.:.:الرحيل الصعب .:.:

فمان الله برحل عن حياتك يـا اعـز النـاس
فمـان الله وارحـل واتـرك الذكـرى تسلينـي

انا من بعدك دموعي تطيح بصفحـة الكـراس
وصار الحبر دمعي والمساء صفحـة عناوينـي

واذا ناوي تروح اترك بقايا الحب والاحسـاس
وانا بعيش باحساسي واهل الدمع مـن عينـي

اعيش بذكرياتك دام عطرك تذكـره الانفـاس
وبابكى دام بـه شـي علـى ذكـرك يبكينـي

وعسى جرحك يزيد بوسط قلبي ماشكيت الباس
اخاف ان طاب جرحك ينتهـي مابينـك وبينـي

بتبقى حرفي الي اكتبـه واقـراه تـو النـاس
واذا ماكنت حرفـي حالـف لاحـرق دواوينـي

تغيب وباقي اطيافك تشـع بلمعـة الالمـاس
وحلمـك يـزرع امـال علـى بعـدك تقوينـي

اشوفك كل ليله في خيالي وابتدي الوسـواس
اهيم بداخلـي واسـرح مـع طيفـك يحاكينـي

وانام وفي وسط حلمي تجيني كنك النسنـاس
تعطر طايح اهدابـي ومـن شوفتـك تروينـي

واذا مني صحيت اتذكـرك ياشمعـة الجـلاس
وينشف نبـع حبـي وارجـع ادورك تسقينـي

فمـان وارحـل باكتفـي بالهـم والهوجـاس
عسى لاغابت هجوسك يجـي طيفـك يسلينـي

تحياتي لكم ..